ARTEDRAMA

ArteDrama Topaketak prestatzen dabiltza antolatzaileak buru-belarri. Aurtengoa, XIII. urtea izango da, eta urtero legez, tailerrak eta antzerki ikuskizunak egongo dira aukeran. Tailerretan, Euskal Herriko arte eszenikoetan euskaraz aritzen direnen arteko eztabaida, jakintzak eta elkartrukeak sustatzen dira; eta antzezlanen egitarauak hainbat obra taularatzeko aukera ematen du. Ibegrafikek prestatu duen kartelean ikus dezakezue egitarau osoa. Horrez gain, beste hainbat euskarri egin ditugu, ArteDramak euskal kultura sustatzeko egiten duen lanarekin bat eginez.